shian
05 October 2011, 04:05 AM
Well, we can find Hindu term here :
tārāṣṭottaraśatanāmastotram
The opening :
śrīmatpotalake ramye nānādhātuvirājite |
nānādrumalatākīrṇe nānāpakṣinikūjite || 1 ||
nānānirjharabhāṅkārairnānāmṛgasamākule |
nānākusumajātībhiḥ samantādadhivāsite || 2 ||
nānāhṛdyaphalopetaṣaṭpadodgītaniḥsvanaiḥ |
kinnarairmadhurodgītairmattaravāraṇasaṁkulaiḥ || 3 ||
siddhavidyādharagaṇairgandharvaiśca ninādite |
munibhirvītarāgaiśca satataṁ suniṣevite|| 4 ||
bodhisattvagaṇaiścānyairdaśabhūmīśvarairapi |
āryatārādibhirdevairvidyārājñīsahasrakaiḥ || 5 ||
krodharājagaṇaiścānyairhayagrīvādibhirvṛte |
sarvasattvahite yukto bhagavānavalokitaḥ || 6 ||
vyājahāra tataḥ śrīmān padmagarbhāsane sthitaḥ |
mahatā tapasā yukto maitryā ca kṛpayānvitaḥ || 7 ||
dharmaṁ dideśa tasyāṁ ca mahatyāṁ devaparṣadi |
tatrāpaviddhamāgamya vajrapāṇirmahābalaḥ || 8 ||
parayā kṛpayā yuktaḥ papraccha cāvalokitam |
taskaroragasiṁhogragajavyāghrādisaṁkule || 9 ||
sīdantyamī mune sattvā magnāḥ saṁsārasāgare |
baddhāḥ sāṁsārikaiḥ pāśai rāgadveṣatamomayaiḥ || 10 ||
mucyante yena sattvāste tanme brūhi mahāmune |
evamukto jagannāthaḥ sa śrīmānavalokitaḥ || 11 ||
uvāca madhurāṁ vāṇīṁ vajrapāṇiṁ prabodhinīm |
śṛṇu guhyakarājendra amitābhasya tāyaṇīḥ(ṇīm) || 12 ||
praṇidhānavaśotpannāṁ mamājñāṁ lokamātaram |
mahākaruṇayopetāṁ jagaduddharaṇoddhṛtām || 13 ||
uditādityasaṁkāśāṁ purṇenduvadanaprabhām |
bhāṣayantīmimāṁ tārāṁ sadevāsuramānuṣān || 14 ||
kampayantīṁ ca trīn lokān trāsayantīṁ yakṣarākṣasān |
nīlotpalakarāṁ devīṁ mā bhairmā bhairiti bruvan || 15 ||
jagatsaṁrakṣaṇārthayāhamutpāditā jinaiḥ |
kāntāre śastrasaṁpāte nānābhayasamākule || 16 ||
smaraṇādeva nāmāni sattvān rakṣāmyahaṁ sadā |
tārayiṣyāmyahaṁ sattvān nānābhayamahārṇavāt || 17 ||
tena tāreti māṁ loke gāyanti munipuṁgavāḥ |
kṛtāñjalipuṭo bhūtvā tataḥ sādarasādhvasaḥ || 18 ||
jvalayatyantarikṣe tāmidaṁ vacanamabravīt |
nāmāṣṭaśatakaṁ brūhi yatpurā kīrtitaṁ jinaiḥ || 19 ||
daśabhūmīśvarairnāthairbodhisattvairmaharddhikaiḥ |
sarvapāpaharaṁ puṇyaṁ māṅgalyaṁ kīrtivarddhanam || 20 ||
dhanadhānyakaraṁ caiva ārogyaṁ puṣṭivardhanam |
āyurārogyajanakaṁ sarvasattvasukhāvaham || 21 ||
lakṣmyāḥ śriyaḥ sthāpakaṁ ca sarvasattvavivarddhanam |
maitrīmālambya sattvānāṁ tatkīrtaya mahāmune || 22 ||
evamukte jagannāthaḥ prahasannavalokitaḥ |
vyavalokya diśaḥ sarvā maitrīspharaṇayā dṛśā || 23 ||
dakṣiṇaṁ karamuddhṛtya puṇyalakṣaṇamaṇḍitam |
tamuvāca mahāprājñaḥ sādhu sādhu mahātapa || 24 ||
nāmāni śṛṇu mahābhāga sarvasattvaikavatsare |
yāni saṁkīrtya manujā sampadā syurdhaneśvarāḥ || 25 ||
sarvavyādhivinirmuktāḥ sarvaiśvaryaguṇānvitāḥ |
akālamṛtyunirdagdhāścyutā yānti sukhāvatīm || 26 ||
tānyahaṁ sampravakṣyāmi devasaṁghāḥ śṛṇuta me |
anumodadhvametadvā bhaviṣyadhvaṁ sunirvṛtāḥ || 27 ||
oṁ locane sulocane tāre tārodbhave sarvasattvānukampini sarvasattvatāriṇi sahasrabhuje sahasranetre |
oṁ namo bhagavate avalokaya avalokaya māṁ sarvasattvāṁśca huṁ huṁ phaṭ phaṭ svāhā |
oṁ śuddhe viśuddhe sugatātmaje maitrīhṛdaye nirmale śyāme śyāmarūpi mahāprājñe prabalavarabhūṣite |
aparājitā mahāraudrī viśvarūpī mahābalā | oṁ suśriye ||28||
Here is The 108 Name :
oṁ kalyāṇī mahātejā lokadhātrī mahāyaśāḥ |
sarasvatī viśālākṣī prajñā śrīrbuddhivardhinī || 29 ||
dhṛtidā puṣṭidā svāhā oṁkārā kāmarūpiṇī |
sarvasattvahitodyuktā saṁgrāmottāriṇī jayā || 30 ||
prajñāpāramitā devī āryatārā manoramā |
dundubhī śaṅkhinī pūrṇā vidyārājñī priyamvadā || 31 ||
candrānanā mahāgaurī ajitā pītavāsasā |
mahāmāyā mahāśvetā mahābalaparākramā || 32 ||
mahāraudrī mahācaṇḍī duṣṭasattvaniṣūdinī |
praśāntā śāntarūpā ca vijayā jvalanaprabhā || 33 ||
vidyunmārī dhvajī khaṅgī cakrī cāpodyatāyudhā |
jambhano stambhanī kālī kālarātrirniśācarī || 34 ||
rakṣaṇī mohanī śāntā kāntārī drāvaṇī śubhā |
brahmāṇī vedamātā ca guhyā ca guhyavāsinī || 35 ||
māṅgalyā śāṅkarī saumyā jātavedā manojavā |
kapālinī mahāvegā sandhyā satyā'parājitā || 36 ||
sārthavāhakṛpādṛṣṭirnaṣṭamārgapradarśinī |
varadā śāsanī śāstrī surūpā'mṛtavikramā || 37 ||
śarvarī yoginī siddhā caṇḍārī(lī)amṛtā dhruvā |
dhanyā puṇyā mahābhāgā śubhagā priyadarśanā || 38 ||
kṛtāntatrāsinī bhīmā ugrā ugramahātapā |
jagaddhite sadodyuktā śaraṇyā bhaktavatsalā || 39 ||
vāgīśvarī śivā sūkṣmā nityā sarvakramānugā |
sarvārthasādhanī bhadrā goptrī dhātrī dhanapradā || 40 ||
abhayā gautamī puṇyā śrīmallokeśvarātmajā || iti || (108)
tārānāmaguṇānantā sarvāśāparipūrakā || 41||
oṁ tāre kṛpāvare śrīkleśaśravaṇīye svāhā |
Phala Sruti
nāmnāmaṣṭottaraśataṁ hyetadyatkīrtitaṁ mayā |
rahasyabhūtaṁ guhyaṁ ca devānāmapi durlabham || 42 ||
saubhāgyabhogakaraṇaṁ sarvakilviṣanāśanam |
sarvavyādhipraśamanaṁ sarvasattvasukhāvaham || 43 ||
trikālaṁ yaḥ paṭheddhīmān śucisthāne samāhitaḥ |
so'cireṇaiva kālena rājyaśriyamavāpnuyāt || 44 ||
duḥkhī syāttu sukhī nityaṁ daridro dhanavān bhavet |
putro bhavenmahāprājño medhāvī ca na saṁśayaḥ || 45 ||
bandhanānmucyate baddho vyavahāre jayo bhavet |
śatravo mitratāṁ yānti śṛṅgiṇaḥ śunakā api || 46 ||
saṁgrāme saṁkaṭe durge nānābhayasamucchrite |
smaraṇādeva nāmāni sarvānbhayānapohati || 47 ||
nākālamṛtyurbhavati prāpnoti vipulāśayam |
mānuṣye saphalaṁ janma tasyaikasya mahātmanaḥ || 48 ||
yaścedaṁ prātarutthāya mānavaḥ kīrtayiṣyati |
sa dīrghakālamāyuṣmān śriyaṁ ca labhate naraḥ || 49 ||
devā nāgāstathā yakṣā gandharvā kaṭhapūtanāḥ |
piśācā rākṣasā bhūtā mātaro raudratejasāḥ || 50 ||
ḍākinyastārakāḥ pretāḥ skandomādyā mahāgrahāḥ |
chāyāpasmārakāścaiva kheṭakā khārdakādayaḥ || 51 ||
vetālāściṁcakā preṣyā ye cānye duṣṭacetasaḥ |
chāyāmapi na laṅghanti kiṁ punastasya vigraham || 52 ||
duṣṭasattvā na bādhante vyādhayo nākramanti ca |
sarvaiśvaryaguṇairyukto vaṁśavṛddhiśca jāyate || 53 ||
jātismaro bhaved dhīmān kulīnaḥ priyadarśanaḥ |
prītimāṁśca mahāvāgmī sarvaśāstraviśāradaḥ || 54 ||
kalyāṇamitrasaṁsevī bodhicittavibhūṣitaḥ |
sadā'virahito buddhairyatra yatropapadyate || 55 ||
tārāṣṭottaraśatanāmastotram
The opening :
śrīmatpotalake ramye nānādhātuvirājite |
nānādrumalatākīrṇe nānāpakṣinikūjite || 1 ||
nānānirjharabhāṅkārairnānāmṛgasamākule |
nānākusumajātībhiḥ samantādadhivāsite || 2 ||
nānāhṛdyaphalopetaṣaṭpadodgītaniḥsvanaiḥ |
kinnarairmadhurodgītairmattaravāraṇasaṁkulaiḥ || 3 ||
siddhavidyādharagaṇairgandharvaiśca ninādite |
munibhirvītarāgaiśca satataṁ suniṣevite|| 4 ||
bodhisattvagaṇaiścānyairdaśabhūmīśvarairapi |
āryatārādibhirdevairvidyārājñīsahasrakaiḥ || 5 ||
krodharājagaṇaiścānyairhayagrīvādibhirvṛte |
sarvasattvahite yukto bhagavānavalokitaḥ || 6 ||
vyājahāra tataḥ śrīmān padmagarbhāsane sthitaḥ |
mahatā tapasā yukto maitryā ca kṛpayānvitaḥ || 7 ||
dharmaṁ dideśa tasyāṁ ca mahatyāṁ devaparṣadi |
tatrāpaviddhamāgamya vajrapāṇirmahābalaḥ || 8 ||
parayā kṛpayā yuktaḥ papraccha cāvalokitam |
taskaroragasiṁhogragajavyāghrādisaṁkule || 9 ||
sīdantyamī mune sattvā magnāḥ saṁsārasāgare |
baddhāḥ sāṁsārikaiḥ pāśai rāgadveṣatamomayaiḥ || 10 ||
mucyante yena sattvāste tanme brūhi mahāmune |
evamukto jagannāthaḥ sa śrīmānavalokitaḥ || 11 ||
uvāca madhurāṁ vāṇīṁ vajrapāṇiṁ prabodhinīm |
śṛṇu guhyakarājendra amitābhasya tāyaṇīḥ(ṇīm) || 12 ||
praṇidhānavaśotpannāṁ mamājñāṁ lokamātaram |
mahākaruṇayopetāṁ jagaduddharaṇoddhṛtām || 13 ||
uditādityasaṁkāśāṁ purṇenduvadanaprabhām |
bhāṣayantīmimāṁ tārāṁ sadevāsuramānuṣān || 14 ||
kampayantīṁ ca trīn lokān trāsayantīṁ yakṣarākṣasān |
nīlotpalakarāṁ devīṁ mā bhairmā bhairiti bruvan || 15 ||
jagatsaṁrakṣaṇārthayāhamutpāditā jinaiḥ |
kāntāre śastrasaṁpāte nānābhayasamākule || 16 ||
smaraṇādeva nāmāni sattvān rakṣāmyahaṁ sadā |
tārayiṣyāmyahaṁ sattvān nānābhayamahārṇavāt || 17 ||
tena tāreti māṁ loke gāyanti munipuṁgavāḥ |
kṛtāñjalipuṭo bhūtvā tataḥ sādarasādhvasaḥ || 18 ||
jvalayatyantarikṣe tāmidaṁ vacanamabravīt |
nāmāṣṭaśatakaṁ brūhi yatpurā kīrtitaṁ jinaiḥ || 19 ||
daśabhūmīśvarairnāthairbodhisattvairmaharddhikaiḥ |
sarvapāpaharaṁ puṇyaṁ māṅgalyaṁ kīrtivarddhanam || 20 ||
dhanadhānyakaraṁ caiva ārogyaṁ puṣṭivardhanam |
āyurārogyajanakaṁ sarvasattvasukhāvaham || 21 ||
lakṣmyāḥ śriyaḥ sthāpakaṁ ca sarvasattvavivarddhanam |
maitrīmālambya sattvānāṁ tatkīrtaya mahāmune || 22 ||
evamukte jagannāthaḥ prahasannavalokitaḥ |
vyavalokya diśaḥ sarvā maitrīspharaṇayā dṛśā || 23 ||
dakṣiṇaṁ karamuddhṛtya puṇyalakṣaṇamaṇḍitam |
tamuvāca mahāprājñaḥ sādhu sādhu mahātapa || 24 ||
nāmāni śṛṇu mahābhāga sarvasattvaikavatsare |
yāni saṁkīrtya manujā sampadā syurdhaneśvarāḥ || 25 ||
sarvavyādhivinirmuktāḥ sarvaiśvaryaguṇānvitāḥ |
akālamṛtyunirdagdhāścyutā yānti sukhāvatīm || 26 ||
tānyahaṁ sampravakṣyāmi devasaṁghāḥ śṛṇuta me |
anumodadhvametadvā bhaviṣyadhvaṁ sunirvṛtāḥ || 27 ||
oṁ locane sulocane tāre tārodbhave sarvasattvānukampini sarvasattvatāriṇi sahasrabhuje sahasranetre |
oṁ namo bhagavate avalokaya avalokaya māṁ sarvasattvāṁśca huṁ huṁ phaṭ phaṭ svāhā |
oṁ śuddhe viśuddhe sugatātmaje maitrīhṛdaye nirmale śyāme śyāmarūpi mahāprājñe prabalavarabhūṣite |
aparājitā mahāraudrī viśvarūpī mahābalā | oṁ suśriye ||28||
Here is The 108 Name :
oṁ kalyāṇī mahātejā lokadhātrī mahāyaśāḥ |
sarasvatī viśālākṣī prajñā śrīrbuddhivardhinī || 29 ||
dhṛtidā puṣṭidā svāhā oṁkārā kāmarūpiṇī |
sarvasattvahitodyuktā saṁgrāmottāriṇī jayā || 30 ||
prajñāpāramitā devī āryatārā manoramā |
dundubhī śaṅkhinī pūrṇā vidyārājñī priyamvadā || 31 ||
candrānanā mahāgaurī ajitā pītavāsasā |
mahāmāyā mahāśvetā mahābalaparākramā || 32 ||
mahāraudrī mahācaṇḍī duṣṭasattvaniṣūdinī |
praśāntā śāntarūpā ca vijayā jvalanaprabhā || 33 ||
vidyunmārī dhvajī khaṅgī cakrī cāpodyatāyudhā |
jambhano stambhanī kālī kālarātrirniśācarī || 34 ||
rakṣaṇī mohanī śāntā kāntārī drāvaṇī śubhā |
brahmāṇī vedamātā ca guhyā ca guhyavāsinī || 35 ||
māṅgalyā śāṅkarī saumyā jātavedā manojavā |
kapālinī mahāvegā sandhyā satyā'parājitā || 36 ||
sārthavāhakṛpādṛṣṭirnaṣṭamārgapradarśinī |
varadā śāsanī śāstrī surūpā'mṛtavikramā || 37 ||
śarvarī yoginī siddhā caṇḍārī(lī)amṛtā dhruvā |
dhanyā puṇyā mahābhāgā śubhagā priyadarśanā || 38 ||
kṛtāntatrāsinī bhīmā ugrā ugramahātapā |
jagaddhite sadodyuktā śaraṇyā bhaktavatsalā || 39 ||
vāgīśvarī śivā sūkṣmā nityā sarvakramānugā |
sarvārthasādhanī bhadrā goptrī dhātrī dhanapradā || 40 ||
abhayā gautamī puṇyā śrīmallokeśvarātmajā || iti || (108)
tārānāmaguṇānantā sarvāśāparipūrakā || 41||
oṁ tāre kṛpāvare śrīkleśaśravaṇīye svāhā |
Phala Sruti
nāmnāmaṣṭottaraśataṁ hyetadyatkīrtitaṁ mayā |
rahasyabhūtaṁ guhyaṁ ca devānāmapi durlabham || 42 ||
saubhāgyabhogakaraṇaṁ sarvakilviṣanāśanam |
sarvavyādhipraśamanaṁ sarvasattvasukhāvaham || 43 ||
trikālaṁ yaḥ paṭheddhīmān śucisthāne samāhitaḥ |
so'cireṇaiva kālena rājyaśriyamavāpnuyāt || 44 ||
duḥkhī syāttu sukhī nityaṁ daridro dhanavān bhavet |
putro bhavenmahāprājño medhāvī ca na saṁśayaḥ || 45 ||
bandhanānmucyate baddho vyavahāre jayo bhavet |
śatravo mitratāṁ yānti śṛṅgiṇaḥ śunakā api || 46 ||
saṁgrāme saṁkaṭe durge nānābhayasamucchrite |
smaraṇādeva nāmāni sarvānbhayānapohati || 47 ||
nākālamṛtyurbhavati prāpnoti vipulāśayam |
mānuṣye saphalaṁ janma tasyaikasya mahātmanaḥ || 48 ||
yaścedaṁ prātarutthāya mānavaḥ kīrtayiṣyati |
sa dīrghakālamāyuṣmān śriyaṁ ca labhate naraḥ || 49 ||
devā nāgāstathā yakṣā gandharvā kaṭhapūtanāḥ |
piśācā rākṣasā bhūtā mātaro raudratejasāḥ || 50 ||
ḍākinyastārakāḥ pretāḥ skandomādyā mahāgrahāḥ |
chāyāpasmārakāścaiva kheṭakā khārdakādayaḥ || 51 ||
vetālāściṁcakā preṣyā ye cānye duṣṭacetasaḥ |
chāyāmapi na laṅghanti kiṁ punastasya vigraham || 52 ||
duṣṭasattvā na bādhante vyādhayo nākramanti ca |
sarvaiśvaryaguṇairyukto vaṁśavṛddhiśca jāyate || 53 ||
jātismaro bhaved dhīmān kulīnaḥ priyadarśanaḥ |
prītimāṁśca mahāvāgmī sarvaśāstraviśāradaḥ || 54 ||
kalyāṇamitrasaṁsevī bodhicittavibhūṣitaḥ |
sadā'virahito buddhairyatra yatropapadyate || 55 ||