श्री कालभैरवाष्टकं
|| śrī kālabhairavāṣṭakaṁ ||
देवराजसेव्यमानपावनांघ्रिपङ्कजं व्यालयज्ञसूत्रमिन्दुशेखरं कृपाकरम् ।
नारदादियोगिवृन्दवन्दितं दिगंबरं काशिकापुराधिनाथकालभैरवं भजे ॥ १ ॥
भानुकोटिभास्वरं भवाब्धितारकं परं नीलकण्ठमीप्सितार्थदायकं त्रिलोचनम् ।
कालकालमंबुजाक्शमक्शशूलमक्शरं काशिकापुराधिनाथकालभैरवं भजे ॥ २ ॥
शूलटंकपाशदण्डपाणिमादिकारणं श्यामकायमादिदेवमक्शरं निरामयम् ।
भीमविक्रमं प्रभुं विचित्रताण्डवप्रियं काशिकापुराधिनाथकालभैरवं भजे ॥ ३ ॥
भुक्तिमुक्तिदायकं प्रशस्तचारुविग्रहं भक्तवत्सलं स्थितं समस्तलोकविग्रहम् ।
विनिक्वणन्मनोज्ञहेमकिङ्किणीलसत्कटिं काशिकापुराधिनाथकालभैरवं भजे ॥ ४ ॥
धर्मसेतुपालकं त्वधर्ममार्गनाशनं कर्मपाशमोचकं सुशर्मधायकं विभुम् ।
स्वर्णवर्णशेषपाशशोभितांगमण्डलं काशिकापुराधिनाथकालभैरवं भजे ॥ ५ ॥
रत्नपादुकाप्रभाभिरामपादयुग्मकं नित्यमद्वितीयमिष्टदैवतं निरंजनम् ।
मृत्युदर्पनाशनं करालदंष्ट्रमोक्शणं काशिकापुराधिनाथकालभैरवं भजे ॥ ६ ॥
अट्टहासभिन्नपद्मजाण्डकोशसंततिं दृष्टिपात्तनष्टपापजालमुग्रशासनम् ।
अष्टसिद्धिदायकं कपालमालिकाधरं काशिकापुराधिनाथकालभैरवं भजे ॥ ७ ॥
भूतसंघनायकं विशालकीर्तिदायकं काशिवासलोकपुण्यपापशोधकं विभुम् ।
नीतिमार्गकोविदं पुरातनं जगत्पतिं काशिकापुराधिनाथकालभैरवं भजे ॥ ८ ॥
कालभैरवाष्टकं पठंति ये मनोहरं ज्ञानमुक्तिसाधनं विचित्रपुण्यवर्धनम् ।
शोकमोहदैन्यलोभकोपतापनाशनं प्रयान्ति कालभैरवांघ्रिसन्निधिं नरा ध्रुवम् ॥
॥ इति श्रीमछंकराचार्यविरचितं श्री कालभैरवाष्टकं संपूर्णम् ॥
devarājasevyamānapāvanāṁghripaṅkajaṁ vyālayajñasūtraminduśekharaṁ kṛpākaram |
nāradādiyogivṛndavanditaṁ digaṁbaraṁ kāśikāpurādhināthakālabhairavaṁ bhaje || 1 ||
bhānukoṭibhāsvaraṁ bhavābdhitārakaṁ paraṁ nīlakaṇṭhamīpsitārthadāyakaṁ trilocanam |
kālakālamaṁbujākśamakśaśūlamakśaraṁ kāśikāpurādhināthakālabhairavaṁ bhaje || 2 ||
śūlaṭaṁkapāśadaṇḍapāṇimādikāraṇaṁ śyāmakāyamādidevamakśaraṁ nirāmayam |
bhīmavikramaṁ prabhuṁ vicitratāṇḍavapriyaṁ kāśikāpurādhināthakālabhairavaṁ bhaje || 3 ||
bhuktimuktidāyakaṁ praśastacāruvigrahaṁ bhaktavatsalaṁ sthitaṁ samastalokavigraham |
vinikvaṇanmanojñahemakiṅkiṇīlasatkaṭiṁ kāśikāpurādhināthakālabhairavaṁ bhaje || 4 ||
dharmasetupālakaṁ tvadharmamārganāśanaṁ karmapāśamocakaṁ suśarmadhāyakaṁ vibhum |
svarṇavarṇaśeṣapāśaśobhitāṁgamaṇḍalaṁ kāśikāpurādhināthakālabhairavaṁ bhaje || 5 ||
ratnapādukāprabhābhirāmapādayugmakaṁ nityamadvitīyamiṣṭadaivataṁ niraṁjanam |
mṛtyudarpanāśanaṁ karāladaṁṣṭramokśaṇaṁ kāśikāpurādhināthakālabhairavaṁ bhaje || 6 ||
aṭṭahāsabhinnapadmajāṇḍakośasaṁtatiṁ dṛṣṭipāttanaṣṭapāpajālamugraśāsanam |
aṣṭasiddhidāyakaṁ kapālamālikādharaṁ kāśikāpurādhināthakālabhairavaṁ bhaje || 7 ||
bhūtasaṁghanāyakaṁ viśālakīrtidāyakaṁ kāśivāsalokapuṇyapāpaśodhakaṁ vibhum |
nītimārgakovidaṁ purātanaṁ jagatpatiṁ kāśikāpurādhināthakālabhairavaṁ bhaje || 8 ||
kālabhairavāṣṭakaṁ paṭhaṁti ye manoharaṁ jñānamuktisādhanaṁ vicitrapuṇyavardhanam |
śokamohadainyalobhakopatāpanāśanaṁ prayānti kālabhairavāṁghrisannidhiṁ narā dhruvam ||
|| iti śrīmachaṁkarācāryaviracitaṁ śrī kālabhairavāṣṭakaṁ saṁpūrṇam ||
Bookmarks